A Travellerspoint blog

Politika...

overcast

Panahon na naman ng eleksyon.

Panahon na naman ng walang humpay na kalakaran sa pulitika.

Ika nga ng lumang kasabihan:

"In politics, there are no permanent friends nor enemies, only permanent interest."

Sa isang bansang malaya tulad ng Pilipinas, masasabing mga lumang mukha ng politiko ang nanunungkulan.

Kung may bago man, marahil mga malalapit na kamag-anak rin ng tanyag na politiko ang hahabol.

Political dynasty.

Masasabing may kasakiman o katakawan sa pwesto ang ibang mga nanunungkulan.

Marahil, iba talaga ang pakiramdam ng nasa taas ng pwesto.

Nakikita mo lahat ng nasa ibaba.

Hawak mo ang kapangyarihan upang palawakin, paunlarin, o pabagsakin ang isang bagay sa isang kumpas ng kamay.

Mukha ngang ang politika sa ating bansa ay kakaiba kung ikukumpara sa form of politics sa ibang bansa.

Ang dami daming political parties.

Kanya kanyang estratehiya.

Kanya kanyang plataporma.

Walang pagkakaiba.

Walang pagbabago.

Ang nagbago lang eh mga lumilipat na politiko sa ibang partido.

Ewan ko nga ba kung bakit kailangan lumipat?

Ang nagbago lang kung paano nila liligawan ang masa.

Kahit hindi pa panahon ng pangangampaya, kaliwa't kanan mo ng makikita ang mga pagmumukha ng mga naghahangad pumwesto.

Tarpaulin sa barangay ng mga pumasa sa board exam.

Tarpaulin sa barangay fiesta.

Mga special project na kung tutuusin hindi naman sila ang gumastos.

Kaban ng bayan at buwis ng bawat mamayang Pilipino.

Madalas pati mga relief goods may mga pangalan ng mga hinayupak.

At much worst pati mga sabon, panty liners, shampoo at mga feminine wash may mukha ng mga walang hiyang tumatakbo.

Next year pa lang naman ang eleksyon, subalit kanya kanya ng patutsada ang mga naglalaban.

Kanya kanya ng pagalingan.

Nakakatawa mang isipin, pero kahit sa telebisyon mapapanood na ang mga walang humpay na pag aadvertise ng mga humahabol.

Mga proyektong pinagawa nila.

Mga paunawa tungkol sa karapatan ng mga kababaihan, kabataan, etc.

Parang mga artista.

Sa totoo lang, ang buhay politika sa Pinas kakaiba.

It's more fun in the Philippines!

Saan ka ba nakakita na ang mga artista gustong maging politiko.

At mga politiko gustong maging artista!

Haaaay....

Last October 1, nagsimula na ang filing of certificate of candidacy.

Nakakabwisit panoorin sa balita.

Parang fiesta.

Kanya kanyang gimik para makakuha ng atensyon sa media.

Ayon nga sa Commissioner ng Election, ang pag file ng COC ay dapat seryosohin.

Kailangang may degnidad.

May subtle touch of dignity.

Hindi parang circus.

Hindi parang palabas.

Sana naiintindihan ng mga humahabol ang nais hipawitig ng Commission on Election.

Nawa'y pakinggan siya.

Ang politika ay hindi isang enteblado.

Di rin ito isang uri ng laro.

Ang politika ay isang bagay na dapat pagtuunan ng pansin.

Dahil ang tunay na politiko, hindi kailangang maging maingay upang mapansin.

Madalas ang katahimikan ang may pinakamalakas na ingay!

Dahil kung tutuusin ang boses ng masa ang mahalaga kesa sa boses ng nais kumandidato.

Posted by yebahboi 20:04 Archived in Philippines

Email this entryFacebookStumbleUponRedditDel.icio.usIloho

Table of contents

Be the first to comment on this entry.

Comments on this blog entry are now closed to non-Travellerspoint members. You can still leave a comment if you are a member of Travellerspoint.

Enter your Travellerspoint login details below

( What's this? )

If you aren't a member of Travellerspoint yet, you can join for free.

Join Travellerspoint