Patawad
10.12.2012
Gaano ba kadali o kahirap humingi ng tawad?
Paano nga ba ang tamang paraan upang humingi ng kapatawaran?
Sa mundong pabago-bago at walang permanente, ang salitang "I'm sorry" ang pinakamahirap yatang sambitin ng bibig.
Madali lang ang pagsasabi ng salitang: "Oo kasalanan ko. Patawad".
Pero ang mahirap kung kaya o tunay ba talaga ang paghingi ng paumanhin sa mga bagay na nagawa o nasabi.
Sa taong ginawan ng mali, heto ang hinihingi.
Subalit sa taong gumawa ng pagkakasala, heto ang pinakamahirap.
Ang sukatan ng paghingi ng tawad ay naaayon kung gaano kabigat o kalalim ang pagkakasala.
Madali lang sana.
Ngunit paano kung ginawan tayo ng kasalanan ng taong pinamamahal o pinagkakatiwalaan natin?
Ang hirap di ba?
Kung dumating man ang panahon na humingi siya ng inaasam na "sorry", sapat na ba iyon?
Sapat na ba para makalimutan at matabunan ang kasalanan?
Madali bang tanggapin ang lahat sa isang simpleng "sorry" lang?
Kung sa tingin natin madali ang paghigi ng tawad, nagkakamali ka.
Dahil sa totoo lang, mahirap.
Mahirap lalo na kung malalim ang pinag-ugatan ng pagkakasala.
Posted by yebahboi 19:31 Archived in Philippines
